Davao City – Nagapaabot na lamang ang Land Transportation Franchising and Regulatory Board (LTRRB) sa mga bus companies nga mo-apply sa buhatan nga buot mubiyahe atol sa mga rush hours partikular na sa ruta nga Toril-Roxas ug Catalunan-Grande-Roxas ning dakbayan sa Davao.
Sa pakighinabi sa DXDC RMN Davao kang Atty. Cattleya Acaylar, ang Regional Director sa LTFRB-XI, gibutyag niini karong adlawa, Pebrero 15, 2019 gi-aprubahan ang Memorandum Circular No. 2019-009 o ang paghatag og special permits sa bus units nga mubyahe sa maong ruta.
“Ang memorandum circular, i-publish pa nato ni. After ma publish, mo-take effect na sya immediately. Pag naa nay mo-apply ug kung qualified ang ilang bus, ayha pa mi mag issue og special permit.”
Gibutyag ni Acaylar nga sa subay sa gi-isyu nga memorandum circular, 20 units ang mamahimong hatagan sa LTFRB og special permit o 10 bus units sa ruta sa Toril-Roxas ug 10 bus units sa ruta sa Catalunan-Grande-Roxas.
Dugang pa sa opisyal nga sa buntag, mubyahe ang maong mga sakyanan matag 6:30am to 9:00am ug sa hapon, matag 5:00pm to 8:00pm, diin aduna usab kini lahi-lahi nga designated nga bus stop areas sa matag ruta niini.
RadyoMaN Kirby Manzon
