Sumala kang Ocampo, gipasabot sa Apo Agua sa iyang komitiba ang rason sa pag-divert sa Tamugan River paingon sa ilang pasilidad ug nahitabo kini sulod sa tulo ka adlaw niadtong Hulyo ning tuiga.
Migawas sa inbestigasyon nga mihinay ang dagan sa tubig sa sapa nunot sa pag-divert, apan dili tinuod nga mihubas ang Tamugan River. Nadudahan lang nga daw nihubas ang tubig, apan tungod kini sa paglapad sa area sa sapa hatod sa pagbaha nga nasinati pipila ka adlaw sa wala pa gihimo ang diversion sa tubig.
Gikonpirma usab sa Department of Environment and Natural Resources (DENR) Davao Region, ang pagkunhod sa volume ug paghinay sa dagayday sa tubig sa sapa epekto kini sa El Niño nga natagamtaman karon sa nasod.
Nasuta usab sa committee hearing nga walay gihimong aktibidad nga pagsuyop sa Tamugan River, subay sa unang report nga nadawat ni Ocampo ang maong inpormasyon.
Gibutyag pa ni Ocampo, kung ma-finalized na ang resulta sa committee hearing, iya kining i-presenta atol sa regular session sa konseho sa sunod semana.
RadyoMaN Joel Viray
