Davao City – Gipasakahan na og kasong parricide kagahapong adlawa ang apo nga mituok-patay sa iyang lola sa Brgy. Kinuskusan, Bansalan, Davao del Sur.
Kini ang gikumpirma sa Bansalan Municipal Police Station atol sa interbyu sa DXDC RMN Davao diin gikustodiya sa kapulisan ang suspek nga giilang si Jimboy Mondejar Antenero, 22 anyos, apo sa biktima nga si Benedicta Mondejar, 67 anyos, byuda, pulos nagpuyo sa nasangpit nga lugar.
Kahinumduman nga gituok sa apo nga si Jimboy ang iyang apohan nga si Benedicta nga dunay deperensya sa pangisip.
Nadala pa sa lokal nga tambalanan ang biktima apan gideklara kini sa mga doctor nga dead on arrival.
RadyoMaN Renz Barbarona
Facebook Comments
