Dakop sa buy bust operation sang Jaro PNP ang apo ni Punong Barangay Remia Gregori sang Bakhaw, Mandurriao kag duha upod sini nga mga pamata-on alas 9 subong nga gab-i sa Brgy. Benedicto, Jaro.
Ginkilala ang mga suspect nga sanday Jhon Mark Prevendido Gregori, 18 anyos (nakaputi) sang Desamparados, Jaro; Christian Fritz Magcanan, 22 anyos, (brown shirt) nga amo ang subject sang buy bust, residente sang Benedicto, Jaro, kag account officer sang CPU kag Reymark Altamia,18, (black shirt) sang Desamparados, Jaro.
Suno sa report nga si Christian Fritz ang nagdaho sang shabu sa mga operatives sa balor nga 1,200 pesos kag subong man sang gin usisa ang balay nakakuha pa gid ang operatives sang 26 ka sachet sang shabu sa ginaistaran nanday Jhon Mark kag Reymark.
Suno kay Magcanan nga ginasugo lamang siya nga magdala sang druga sa balay nga gina-istaran ni Jhon Mark Prevendido sa barangay Benedicto, Jaro.
Detain na sa Jaro Police station ang mga suspects kag magapangatbang sang nagakaigo nga kaso.
