Davao City – Walay igong rason nga motahan na sa iyang kaugalingon karong panahona si Joel Apolinario, KAPA Founder sa mga akusasyon kabahin sa investment schemes nga gihulagway sa gobyerno nga usaka syndicated estafa ug ‘biggest Ponzi scheme in the history of the Philippines.’
Matud ni Atty.Leonard Cagatin Jr., criminal law practitioner, hangtud walay pormal nga kasong ipasaka batok kang Apolinario, walay sufisyenteng rason nga siya motahan karong panahona.
Hinoon gipasabot ni Cagatin nga sa higayon nga aduna na unyay kasong ika sang-at sa korte ug aduna nay warrant or arrest, anha pa siya angay mopakita aron mo-file sa iyang bail bond alang sa temporaryong kagawasan.
Kahinumdoman nga si Apolinario giakusahan nga nagpasiugda sa syndicated estafa, usa ka matang sa grabeng krimen nga dili bailable kun dili covered sa pyansa.
RadyoMaN Bernard Pantallon
