Davao City – Pabor si Davao De Oro Gov. Jayvee Tyron Uy sa panawagan nga motahan na sa iyang kaugalingon si Kabus Padatoon (KAPA) Community Ministry International founder Joel Apolinario aron atubangon ang mga kaso nga gisang-at batok kaniya.
Matud ni Uy, ang pag-surrender mao ra’y bugtong pamaagi aron madepensahan ni Apolinario ang iyang kaugalingon sa proper forum kontra sa mga pasangil ug aron hingpit matuldukan ang isyu sa fraudulent investment operations batok kaniya.
Kahigayunan usab kini nga malimpyohan ni Apolinario ang iyang pangalan gikan sa alegasyon nga siya nangilad sa mga tawo pinaagi sa pagdawat og investments gamit ang relihiyon, segun sa gobernador.
Ang pagtahan ni Apolinario sa iyang kaugalingon ngadto sa mga awtoridad ug sa proseso sa balaud gilaumang maoy magpabuhi sa paglaum sa mga tawo nga mahibalik ang ilang salapi nga gi-donar ngadto sa maong pundok.
RadyoMaN Joel Viray
