CAUAYAN CITY – MAGSISIMULA NGAYONG OKTUBRE 20, 2025 ANG ONLINE APPLICATION PARA SA DOST–SCIENCE EDUCATION INSTITUTE UNDERGRADUATE SCHOLARSHIP PROGRAM, NA NAG-AALOK NG MALAKING TULONG PINANSYAL PARA SA MGA KABATAANG NAIS MAG-ARAL NG KURSONG PANG-AGHAM AT TEKNOLOHIYA.
SA ILALIM NG PROGRAMA, MAAARING MAKATANGGAP ANG MGA ISKOLAR NG HANGGANG P40,000 KADA ACADEMIC YEAR PARA SA TUITION AT IBA PANG BAYARIN, P8,000 BUWANANG ALLOWANCE, AT P10,000 PARA SA LEARNING MATERIALS AT CONNECTIVITY ALLOWANCE.
MAYROON DING TRAVEL AT INSURANCE COVERAGE, THESIS AT GRADUATION SUPPORT, AT IBA PANG BENEPISYO UPANG MATULUNGAN ANG MGA MAG-AARAL NA MATAPOS ANG KANILANG KURSO.
KWALIPIKADO ANG MGA GRADUATING GRADE 12 STUDENTS NG SCHOOL YEAR 2025–2026 MULA SA STEM STRAND, GAYUNDIN ANG TOP 5% NG MGA NON-STEM STUDENTS SA KANILANG BATCH.
MAAARI RING MAG-APPLY ANG MGA NAKAPAGTAPOS NA NG GRADE 12 NOONG MGA NAKARAANG TAON NGUNIT HINDI PA NAKAPAGSISIMULA SA KOLEHIYO.
KINAKAILANGAN DING NATURAL-BORN FILIPINO CITIZEN ANG APPLICANT, MAY GOOD MORAL CHARACTER, AT MALUSOG NA PANGANGATAWAN.
PARA MAKAPAG-APPLY, BISITAHIN ANG SCIENCE-SCHOLARSHIPS.PH UPANG I-DOWNLOAD AT SAGUTAN ANG APPLICATION FORMS BAGO I-SUBMIT ONLINE.
