Aprubado!| Expanded maternity leave, lusot na sa House of Representatives

27

Manila, Philippines – Lusot na sa third and final reading sang House of Representative ang House Bill 4113 ukon laye nga nagapalawig sang maternity leave.
Sa boto nga191 Yes, 0 No kag 0 Abstention, napasar sa plenaryo ang pagpalawig sang maternity leave sa 100 days humalin sa naka-andan nga 60 days lamang.
Sakop man sang pagpalawig sang maternity leave ang mga empleyado nga iloy sa pribado kag pampubliko nga sektor.
Pagahatagan man sang 60 days nga maternity leave ang mga babaye nga nakuhaan ukon nahulugan.
Ang pag-avail sang maternity benefits ang boluntaryo kag indi mandatory.
Ginalauman nga kapin sa 15 ka milyon nga mga kababaihan nga empleyado sa private kag public sector ang makabenepisyo sang expanded maternity leave.
Nahibaluan nga ang Gabriela Partylist ang principal author sang nasambit nga laye. Suno sa Gabriela Partylist nga kinahanglan kag importante para sa mga bag-o bun-ag nga iloy ang mas malawig nga pahuway agud manumbalik ang kapagsik kag may bastante nga panahon para sa iya lapsag. (Photo from web)

Facebook Comments