Davao City – Dakung eskandalo ug usa ka ‘midnight deal’ ang nahitabo sa Dengvaxia vaccine nga nagkinahanglan sa imbestigasyon aronadunay manubag sa isyu sa korapsyon.
Sumala ni Department of Social Welfare and Development (DSWD) Assistant Secretary Luz Ilagan, wala gisunod ang ensaktong proseso sa kanhi administrasyondiha sa pagpalit sa maong bakuna.
Giingon ni Ilagan nga dunay dautang intensyon sukwahi sa gisulti ni kanhi Health Secretary Janette Garin nga walay dautang tumong sa ilang pagpamalit sa maong tambal apan klaro kaayo tungod kay ilang gidali-dali ug wala magsunod sa ensaktong proseso.
Tungod niini nga eskandalo matud sa DSWD assistant secretary, adunay mga tulubagon niini sila si kanhi Pres. Noynoy Aquino ug Health Secretary Garin tungod kay sila ang mipirma nga usa ka matang sa binuang tungod ilabi na nga nabutang sa alanganin karon ang kaluwasan sa mga bata.
Gidugang ni Ilagan, kinsa kanhi Gabriela Partylist Representative nga aduna pu’y tulubagon ang kompanya o naggama sa maong bakuna.
RadyoMaN Bernard Pantallon
