Gina operahan karun sa Western Visayas Medical Center ang biktima nga gin kilala sa kay Bernie Celis, 22 anyos, soltero kag residente sang Sitio Pajo, Barangay Napnud, Leganes matapos gin buno sa tuo nga bahin sang iya nga itlog sang iya man lamang pakaisa nga gin kilala sa kay Dino Villa, 36 anyos kasado kag residente man sang amu nga barangay.
Sa pagpangusisa ni PO2 Emmanuel Maude, imbestigador sang Leganes PNP nga natabo ang insidente alas 6:30 sang gab-e sa nasambit nga barangay kun sa diin naimbitaran ang magpakaisa nga mag tambog kag mag inom inom sa isa ka birthday party.
Sang ini sila ang nahubog, didto mag sugod ang indi maayo nga istorya kabangdanan nga sila ang nag baisay asta nag pinukutay kag nabun-an sang suspek ang itlog sang biktima.
Sa karun, ara sa ospital ang biktima samtang ang suspek ang priso sa Leganes police station.
