Davao City – Andam na ang tanang preparasyon sa umaabot nga ika-81 nga Araw ng Dabaw karong Marso 1.
Sa iSpeak Forum nga gipahigayon kaganiha, gibutyag ni Araw ng Dabaw spokesperson Orly Escarilla nga sugdan ang maong aktibidad pinaagi sa opening mass nga ipahigayon sa San Pedro Cathedral alas 5:30 sa hapon diin sundan kini sa opening salvo sa Rizal Park.
Gibutyag ni Escarilla nga adunay 21 ka mga official events sa maong pagsaulog lakip na dinhi ang upat ka mga events nga nag gikan sa milabay’ng Pasko Fiesta nga mao ang ‘Koro sa Pasko’ diin gitawag na karon og ‘Koro Dabawenyo’, ‘Lamdag Parada’, ‘Yugyugan sa Dabaw’ ug ‘Tugtugan sa Dabaw’.
Gilauman sa maong tigpamaba nga mas daghan ang mga turistang modayo dinhi sa dakbayan ug gi-awhag tanang Dabawenyo nga mosuporta alang sa kalamposan sa umaabot nga ika-81st Araw ng Dabaw.
RadyoMaN Jason Amisola
