Davao City – Magpadayon gihapon ang pagsaulog sa 83rd Araw ng Davao taliwala sa pagkansela sa mga major events silbing lakang sa lungsod batok sa 2019 Novel Coronavirus Acute Respiratory Disease.
Matud ni City Tourism Officer Generose Tecson, gi-finalize karon ang pipila ka mga events nga mamahimong salmotan gihapon sa katawhan sama sa ‘Misa Dabawenyo’ ug 3D Wall mapping.
“Hindi mo naman talaga ma-stop ang ‘Araw ng Davao’ whether we like it or not kasi ang March 1 is talagang ‘Araw ng Davao…’ it’s just that iyong celebration na nakasanayan natin, hindi muna natin gagawin,” matud ni Tecson.
Sa pamahayag kagahapong adlawa ni Davao City Mayor Sara Duterte, kanselado ang mosunod:
Pasiugdang Pagsaulog, Mutya ng Dabaw, Reyna Dabawenya,Ginoong Davao,Sayaw Pinoy, Kalingawan sa Sta. Ana, Hudyaka, Pasidungog,Araw ng Empleyado,Kanta Bidabawenyo, Parada Dabawenyo ug Datu Bago Awards.
Naka-establisar na ang mga protocol sa accommodation sector, restaurants, spa ug uban pa base sa guidelines sa Department of Health ug Department of Tourism.
Gibutyag usab ni Tecson nga dili lamang ang Davao ug Pilipinas apan tanang mga kanasuran apektado sa nCoV gani angayan lamang nga magpatuman og mga preventive measures alang sa kaayuhan sa mga taga-Davao.
Sa pagkakaron, ‘business as usual’ gihapon ang Davao City.
Nanawagan karon si Tecson nga suportahan ang gipatumang mga orden ug likayan nga mag-panic ug magpakatag ug fake news o dili beripikadong mga impormasyon.
RadyoMaN Aimee Guinita
