Davao City – Sabay sa pagprepara sa kasaulogan sa ika-34th Kadayawan Festival alang sa mga Dabawenyos, gipreparahan usab sa lokal nga panggamhanan ang aktibidad alang sa mga empleyado niini kun ang Araw ng mga Empleyado nga ilusad karong adlawa, Agosto 9, 2019, ang Araw ng mga Empleyado.
Sumala ni Human Resource Management Office (HRMO) head Lemuel Ortonio, duha ka mga aktibidad ang mahitabo sa maong adlaw partikular ang Food Festival ug ang pinakaunang Hataw Kadayawan nga usa ka Indak-indak sa Kadalanan inspired dance competition.
Saysay ni Ortonio nga abli ang maong aktibad sa publiko sugod alas-9:00 sa buntag hantod alas-9:00 sa gabii apan duna lamang special discounts ngadto sa mga empleyado sa gobyerno.
Gipartisiparan kini sa 17 ka mga food stalls nga nagahanyag og managlahing klase gikan sa pagkaon sama sa fresh fruits.
Samtang alas-3:30 sa kahaponon sugdan ang Sayaw Kadayawan diin magtigi ang upat ka mga partisipante partikular ang Sangguniang Panglungsod, City Engineer’s, City Veterinarian’s Office, ug ang gihiusang pwersa sa City Planning ug City Accountant Office.
P75,000 ang madawat sa first prize, P60,000 sa second prize, P50,000 sa third prize ug P20,000 sa fourth prize.
Pagpasabot sa HRMO head nga parte ang maong aktibidad sa employment engaging activties diin usa usab ka oportunidad nga makaila ug mahimamat sa matag opisina ang uban pang trabahante sa gobyerno.
RadyoMaN Jason Amisola
