Itinanggi ng Malacañang na isinantabi ng Duterte administration ang 2016 ruling ng International Arbitral Tribunal na nagpapawalang-saysay sa pag-aangkin ng China sa West Philippine Sea (WPS).
Ayon kay Presidential spokesperson Salvador Panelo – sadyang “unenforceable” o hindi maipapatupad ang arbitral ruling.
Aniya, walang kapabilidad ang Pilipinas na ipatupad ito ng mag-isa at kailangan ng tulong mula sa foreign force.
Idinagdag pa ni Panelo – posibleng mauwi lang sa madugong digmaan kapag nagpatupad ng “armed acts of enforcement”.
Itinuro rin ni Panelo si dating Foreign Affairs Secretary Albert Del Rosario na responsable sa pag-angkin ng China sa Panatag o Scarborough Shoal.
Facebook Comments
