ILOILO CITY – Ginakasubo man sang archdiocese sang Jaro ang eskandalo nga ginadalahigan karon sang simbahan katoliko matapos isa ka pari sa Taytay, Rizal ang naaresto nga may kaupod nga menor de edad sa isa ka motel sa Marikina.
Ginpahayag ni Msgr. Joemarie Delgado, Director sang Social Action Center sang archdiocese sang Jaro nga sa karon naga-upod sila sa panawagan sang mataas nga pamunuan sang simbahan katoliko nga updan sang pangamuyo samtang nagapadayon ang imbestigasyon sa kaso ni Msgr. Arnel Lagarejos.
Gindugang pa ni Msgr. Delgado nga sa karon, wala na ginapa-misa si Lagarejos kag ginpadala na ang kaso sini sa Roma.
Suno sa iya nga nagadepende sa Roma ang mangin kapalaran ni Lagarejos.
Nahibaluan nga kaso nga paglapas sa anti-human trafficking law ang ginapangatubang sang nasambit nga pari.
Photo: Felipe Uygongco/ Archdiocese of Jaro
