El gefe del Ayala Police Station si Chief Insp. Chester Natividad ya habla ta continua pa sila hace embuscada con Kagawad Alex Ortega quien ta esconde despues el corte yah ace sale su mandamiento de aresto na caso de rape.
Asegun con Natividad ya atraca ya tambien sila conversa con el familia di Ortega para si puede ayuda convince conele para rendi na pulis.
Si Ortega y su anac ya sale embuelto na caso de rape despues mismo su nieta el quien yan file caso canila.
El anac di Ortega adentro ya del calaboso despues una yah ace sale el corte con el su mandamiento de aresto.
Si Natividad confiansa que ay puede siempre sila sirvi el warrant of arrest con Ortega el momento ay puede sila sabe onde este ta esconde.
Si Ortega amo el antes capitan del Ayala y ahora unu le del maga kagawad del barangay.
