Archibao ya imbisti na pulis, muerto

71

Un wanted o archibao persona ya muri despues nohay este quere rendi na pulis y ya imbisti mientras ta precura sirvi conele su mandamiento de aresto na Landang Gua enantes tarde.
El jefe del Culianan Police Station si Chief Insp. Hazel Fernandez ya nombra con el muerto como si Samli Alibasa, 35, casao, quien tiene el pendiente mandamiento de aresto na caso de murder o matansa.
Na entrevista del RMN Zamboanga con Fernandez pasada asegun ala una del tarde cuando ya apunta sila na Landang Gua para sirvi el mandamiento de aresto con Alibasa pero ya entabla este este cargando consu calibre 45 pistola.
Asegun ya empesa pa este tira con ele maga pulis hasta ya llega este na cantoy mar y ya esconde entry sacate.
Porcausa nohay plano si Alibasa de rendi y ta tira pa este con el maga pulis, teneia que tira tambien conele el pulis y ya tupa na su cabesa y ya muri este dayun na lugar.

Facebook Comments