Nakuha sa mga Architect and Engineering Students sa Liceo de Cagayan University ang 50-mil pesos nga premyo tungod sa ilang pagdaog sa Eco Park Concept Design Contest nga gipasiugda sa city hall.
Ang ilang 50-mil pesos nga premyo ilang gikuha atol sa Flag raising sa city hall kahapon sa buntag nga gihatag mismo ni Engineer Armen Cuenca ang hepe sa City Local Environment and Natural Resources Office kon CLENRO.
Gipilde sa Liceo ang mga Architect and Engineering Student sa Xavier University, University of Science and Technology in Southern Philippines o USTP ug Cagayan de Oro College o COC Phinma nga parehong nakadawat sa tag 10-mil pesos nga consolation prize.
Matud ni Cuenca nga niadtong bulan sa Agosto, nagpasiugda sila sa Clenro sa Eco Park Concept design Contest sa tomong nga mabuhatan ug design ang paghimog Eco-park sa daang basurahan sa Upper Dagong, Zayas Carmen ning syudad sa Cagayan de Oro.
Gibutyag ni Cuenca nga giplano ni Mayor Oscar Moreno nga himoong Eco park and Old dump site area human ang Sanitary Land fill sa Cagayan de Oro gibalhin na sa Barangay Pagalungan ning syudad tungod sa ilang estrikto nga pagpatuman sa Republic Act 9003.
Apan matud ni City Administrator Teodoro Sabugaa nga samtang nakadaog ang Liceo sa iyang design, wala usab magpasabot nga dili gamiton sa City hall ang mga maayong design sa USTP, COC Phinma ug Xavier.
“Ang ilang mga maayong design sa Liceo, Xavier, COC ug USTP ato kanang tipo-on aron mas patsada pa gyud ang atong paghimog Eco park sa atong daan nga dump site” matud ni Sabugaa.
Matud ni Sabuga-a nga lakip sa design sa maong contest ang parke alang sa mga senior citizens.
“Hopefully 20 years from now, senior citizen na man kita nianang panahona, didto na dayon kita magpahayahay sa maanindot nga Eco park diha sa daang Basurahan” matud ni Sabugaa.
