Gisulod na sa Lumbia City Jail ang usa ka architect human mapresentar sa korte kagahapong adlawa tungod sa kasong illegal possession of explosives, firearms and ammunitions.
Kini ang gikumpirma ni Criminal Investigation and Detection Group o CIDG Cagayan de Oro Chief Investigator SPO4 Noel Oclarit sa interview sa dxCC-RMN.
Matud ni SPO4 Oclarit nga ilang gikuha sa Polymedic Plaza ning syudad si Architect Rey Galua human kini nagpa-hospital arrest tungod sa problema sa kasing-kasing sukad nga nasikop niadtong Enero nuebe ning tuiga.
Dala sa CIDG ang duha ka warrant of arrest sa dihang ilang gikuha sa ospital si Galua.
Mahinumduman nga si Architect Galua usa sa mga persons of interest sa kasong pagpatay kang University of Science and Technology President Dr. Ricardo Rotoras.
-o0o-
