BACOLOD CITY – Arestado ang mag live-in partner sa ginpatigayon nga buy bust operation sang Police Station 8 sa Purok Neptune, Brgy Singcang-Airport, syudad ang Bacolod, kagab-i.
Ang mga drug suspek ang ginkilala nga sanday Eduardo Villanueva Jr. 39 anyus kag Rodhah Mae Guevarra, 34 anyus, tanan residente man sang amo nga lugar.
Nakuha sa posisyon sang mga suspek ang pito tanan ka sachets sang suspected shabu nga may market value nga P20 mil pesos.
Si Gueverra ang gina-kabig nga high value target (HVT) sang Police Station 8.
Sa pihak nga bahin, nadakpan man ang isa ka lalaki sa ginpatigayon nga buy bust operation sang Police Station 4 kagab-i sa Purok Bulak, Brgy. Mandalagan, Bacolod City.
Ginkilala ang subject sang buy bust na amo si Jerry Prio, residente sang amo nga lugar.
Natigayon nga makuha sa iya possession ang isa ka gamay kag isa ka daku nga putos sang suspected shabu, isa ka cellphone kag P1k pesos nga marked money.
Nahibaluan nga si Prio ang ginakabig newly identified nga drug personality kag detained karon sa Police Station. 3/dyHB BACOLOD
