ARESTADO! | Babaye nga nagapataya sang STL, nagaduso pa gid sang iligal nga droga; dakop sa drug buy bust operation

219

ROXAS CITY – Magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002 ang 45 anyos nga babaye matapos nadakpan sa ginkasa nga drug buybust operation Roxas City PNP sa Premier De Mayo St., Barangay 9, Roxas City.
Ginkilala ang suspek kay Maria Bagaas, temporaryo nga nagapuyo sa nasambit nga lugar apang tumandok sang Barangay Buntod, Panay, Capiz.
Nakuha sa mga kamot sang suspek ang duha ka sachets sang suspected shabu nga nagabalor sang kapin P25,500, marked money nga 500 pesos,stabs sang STL, bag kag isa ka cellphone.
Nahibaluan nga nagapataya man sang STL Bagaas apang sa likod sini nagabaligya kag nagaduso pa gid sang illegal nga droga. Nakahunong na sa Roxas City Police Station ang nasambit nga babaye.

Facebook Comments