Manila, Philippines – Arestado ang dalawang motorcycle riders matapos na umiwas sa check point sa Villa Socorro, Barangay Bahay Toro, Quezon City.
Nagsasagawa ng oplan sita ang mga tauhan ng Talipapa Police Station ng sisitahin ang mga suspek na sina Emmanuel Salaza at Marvin Tiu dahil sa walang suot na helmet.
Sa halip na huminto, tumakas ang dalawa dahilan para habulin sila ng mga pulis kung saan nang mahuli, nakuha mula sa mga suspek ang isang caliber 32 beretta pistol at pitong pakete ng shabu na nasa 50 gramo.
Tinataya namang aabot sa P250,000.00 ang halaga ng shabu na nakuha mula sa dalawang suspek.
Facebook Comments
