ARESTADO | Dose ka puno sang ginapahayag marijuana plants, nadiskubrehan nga natanom sa kampo sang tubo sa banwa sang Pilar!

Pilar, Capiz- Arestado ang isa ka persona sa ginkasa nga buy bust operation sang mga katapo sang mga kapulisan sang Pilar sa Sitio Cubay Brgy Sta. Fe Pilar, Capiz alas 7:30 ang takna sa aga.
Ginkilala ang subject person kay Ramel Venteroso y Magbago 49-anyos sang nasambitan nga barangay kun sa diin kabug-osan nga lima ka sachet nga may unod nga suspected marijuana leaves ang natigayon nga marekober sa iya.
Maluwas diri, nakuha man sa iya nga paghinakop ang P200 pesos nga buy bust money.
Nahibaluan nga matapos nga mamutikan sang amu nga persona nga mga katapo sang kapulisan ang nakatransaksyon, madasig ini nga nagdalagan pasulod sa kampo sang tubo kag didto nadiskubrehan sang mga otoridad ang plantasyon sang marijuana.
Narekober sang mga ini ang kabug-osan nga dose ka puno sang full-grown marijuana plants.
Ang amu nga persona ang natalana nga pasakaan sang kaso nga paglapas sa RA 9165 ukon Comprehensive Dangerous Drugs Act of 2002.
© Pilar MPS

Facebook Comments