Pateros – Kalaboso ang isang tindero matapos mahulihan ng umano’y ilegal na droga sa Alley 22, Capt. Musni, Brgy. Sta. Ana, bayan ng Pateros.
Nakilala ang suspek na si Aquino Calvo, alyas “Batotoy”, may asawa, at naninirahan sa nabanggit na barangay.
Napag-alaman na nagkasa ng Oplan Kakilala ang PCP-1 ng Pateros Police nang mahuli si Calvo na may hawak na hinihinalang droga.
Ayon sa pulisya, dalawang sachet na naglalaman ng umano’y shabu ang nasabat mula kay Calvo.
Kasong paglabag sa RA 9165 o Comprehensive Dangerous Drug Act of 2002 ang kasong isinampa laban sa suspek.
Facebook Comments
