North Carolina – Arestado sang mga kapulisan ang isa ka adik sa North Carolina. Ang nasambit nga persona ginkilala kay Bradley Hardison, 27 anyos. Si Hardison, isa ka adik sa Donut kag indi sa illegal drugs.
Gin-aresto si Hardison sang nagligad nga adlaw sang Huwebes, matapos ginwasak kag ginsulod sini ang isa ka doughnut shop sa Elizabeth City. Magluwas sa Doughnut, ginlimas man sini ang kwarta nga kita sang nasambit nga shop.
Suno sa mga pulis, makapila na ka beses nga gindakop nila si Hardison bangud sa krimen may kaangtanan sa doughnut. gindugang pa sang mga pulis nga mismo sa isa ka doughnut-eating contest, una nga gin-aresto man si Hardison bangud sa kaso nga basag-kotse.
Nagdaog pa sa amo nga contest si Hardison matapos makaubos sang walo ka doughnut sa sulod sang duha ka minutos.
