TAPAZ, CAPIZ- Dakop sang mga kapulisan sang Tapaz ang mga wanted nga persona samtang ang ini ang nagapanago sa Poblacion Tapaz alas 2 sang hapon.
Ginserbehan sang warrant of arrest ang wanted nga persona nga ginkilala kanday Rolly Glorian y Marcelino, 35-anyos kag Jose Gardose y Francisco, 80-anyos ang pang-edaron.
Samtang alas 2:30 sang hapon dakop man sanday Romio Gardose y Francsico, 60-anyos; Ricky Marcelino y Gardose, 32-anyos kag Rio Marcelino y Gardose, 35-anyos nga lunsay mga residente sang Sitio Cavasana, Brgy. Rizal Sur, Tapaz, Capiz.
Ang amu nga mga persona ang nagapangatubang sang kaso nga homicide kun sa diin ang warrant ang gin-issue kag pirmado ni Judge Judith Orendain-Tunogbanua sang RTC Branch 20, Mambusao, Capiz napetsahan Hulyo 11, 2018.
Samtang naglab -ot naman sa P40, 000 pesos ang ginrekomendar nga piyansa sang hukmanan sa kada isa sa ila para sa temporaryo nga kahilwayan.
