ARESTADO | Notorious nga kawatan sa Brgy Matinabus, Sigma, nadakpan!

566

Sigma, Capiz – Presuhan ang natup-an sang isa ka “notorious” nga katawan matapos nga ginsulod sini mismo ang poluy-an sang iya paryente alas 3 sang kaaganhon sa Sitio Masilum Brgy. Matinabus, Sigma, Capiz.
Ginkilala ang suspek kay Juden Fernando y Fabular nga residente sang nasambitan nga lugar kun sa diin natigayon nga marekober sa iya posesyon ang isa ka unit sang OPPO cellphone nga nagabalor P10, 000 pesos kag duha ka unit sang cellphone nga Iphone nga nagabalor naman sang P30, 000 pesos ang kada isa.
Base sa imbestigasyon sang kapulisan, nag-agi sa mayor nga pwerta sang poluy-an nanday Ernie Fabular y Fuego ang nasambitan nga suspek kag ginkuha ang tatlo ka mga cellphone.
Maswerte nga nakabatyag ang tag-iya sang poluy-an kag nakapangayo sang bulig kabangdanan nga nadakpan sang mga pomuluyo ang nasambitan nga suspetsado.

Facebook Comments

From Advertisers