Naaresto sang Jaro PNP intelligence operatives ang notorious nga kawatan sang motorsiklo.
Priso na sa Jaro Police Station kag napasakaan na sang kaso ang suspek nga ginkilala kay Rommel John Robles, 21 anyos, pumuluyo sang barangay Cano-an, Estancia, Iloilo.
Si Robles ang suspek sa pagkawat sang tatlo ka mga motorsiklo sa Distrito sang Jaro sang nakaligad nga bulan.
Ginpahayag ni Police Sr. Inspector Tranquilino Querubin, hepe sang Jaro PNP, sa ginhiwat bnga entrapment operation sa barangay Benedicto, Jaro, nagpakuno-kuno ang pulis nga mabakal sang helmet nga ginbaligya sang suspek nga ginapahayag dala sa kinawat sini nga motorsiklo.
Sa imbestigasyon, naguwa nga may ginabaligyaan si Robles sang kinawatan sini nga mga motorsiklo sa banwa sang Estancia kon sa diin ginabaligya sini ang isa ka unit sang 5 mil tubtub 7 mil pesos kon indi ma-chop chop ang motorsiklo.
