Roxas City, Capiz- Dakop sang mga katapo sang Roxas City PNP ang pito ka mga persona nga nagahampang sang bingo sa Sitio Dulunan Brgy. Mongpong alas singko sang hapon.
Ang mga ini ang ginkilala kanday Amabelle Artuz y Atienza,39-anyos; Mercy Tabora y Sasa,28-anyos; Myra del Rosario y Cauyan, 31-anyos; Francisco Alpon y Salado, 65-anyos; Rodulfo Francisco y Baler,54-anyos kag Rhea dela Cruz y Aldea, 32-anyos nga lunsay mga residente sang nasambitan nga lugar.
Samtang gindakop man si Emelda Bernas y Bertudlo, 57-anyos nga tag-iya sang tindahan kun sa diin sila ang nagahampang.
Narekober sa mga ini ang mga lamesa, mga bangko, bingo bowl, cash, bingo cards, mga bato nga naserbe nga marker kag iban pa nga mga paraphernalias nga ginagamit sa paghampang sang bingo.
Ang mga ini ang magapangatubang sang kaso nga pagbayolar sa PD 1602 ukon illegal gambling.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
