Makati City – Kalaboso ang isang pulis at apat na kasabwat nito matapos kikilan ang dalawang Chinese national sa Makati City.
Sa ulat, ikinasa ang entrapment operation laban sa pulis na si PO2 Jaycee Abana ng Traffic Investigation Unit ng Makati Police Station kung saan inireklamo sila ng kamag-anak nina Changbo Fang at Fang Zhang Bao.
Nabatid na hinuli ng pulis at apat na kasama nito ang dalawang biktima sa hindi malamang dahilan.
.
Sinasabing nanghihingi ng isang milyong piso ang grupo ni PO2 Abana pero naibaba ang transaksiyon sa P80,000 para makalaya ang dalawa.
Matapos magkaabutan ng bayad, kinorner ang mga suspek ng mga otoridad at hindi na sila nakapalag pa.
Facebook Comments
