Yara na sa custody sang mga pulis sa Iloilo City Proper Police Station ukon Police Precinct number 1 ang suspek sa pagpamahog nga may bomba sa University of San Agustin.
Ginpahayag ni Police Supt. Jonathan Pablito, hepe sang PP1 nga natigayon nga madakpan ang suspek matapos mag-post ini liwat sa Facebook page sang Unibersidad kaina sang hapon nga may bomba naman sa nasambit nga Unibersidad.
Suno kay Pablito nga ang suspek naga-edad sang 28 anyos apang makabig nga bata pa ang paminsaron.
Gindugang pa ni Pablito nga gin-ako sang suspek nga ini ang responsable sa bomb threat sa University of San Agustin apang ginpanginwala sini nga may kahilabtanan siya sa bomb scare sa Ateneo de Iloilo.
Suno sa iya nga narecover nila ang laptop sang suspek nga gingamit sini sa nasambit nga bomb threat nga ginpahayag nga lango-lango lang sini.
Padayon pa nga gina-imbestigahan sang kapulisan ang suspek nga ginapahayag miyembro sang Charismatic group nga “Diyos Gugma”.
