Roxas City, Capiz- Arestado ang isa ka lalaki nga ginakabig top-2 most wanted person sa banwa sang Maayon samtang ini ang nagapanago sa Barangay Velasco, Lemery, Iloilo alas 11 sang aga.
Ginkilala ang akusado kay Elpidio Bansagan y de Jose, 47-anyos, temporaryo nga nagapuyo sa Brgy. Velasco, Lemery, Iloilo kag tumandok sang West Villaflores, Maayon, Capiz.
Ini ang may yara sang standing warrant para sa duha ka counts sang kaso nga rape in relation to Republic Act 7610 nga gin-issue kag pirmado ni Hon. Jeffrey D. Almalbis, Presiding Judge sang Regional Trial Court, 6th Judicial Region, Branch 14 (Family Court), Hall of Justice, Roxas City napetsahan April 3, 2012.
Wala naman sang piyansa nga ginrekomendar ang hukmanan para sa temporaryo sini nga kahilwayan
Alas 8 sang gab-e natikma sang mga kapulisan sa Brgy. San Pedro, Tapaz ang wanted person nga si Roswill Jimenez y Carbon alias “Latowa”,26-anyos sang Sitio Aray-aray Brgy. Siya, Tapaz, Capiz.
Ang amo nga persona ang may yara sang ginapangatubang nga kaso nga murder with the used of unlicensed firearm.
Si Jimenez ang ginakabig top-4 most wanted person sa banwa sang Calinog.
Samtang sa pihak nga bahin, matapos ang kapin 23-anyos nga pagpanago sa kasugoan, natigayon nga madakpan ang wanted person nga si Noel Castor y Jimenez, 45-anyos sang Brgy. Siya, Tapaz, Capiz samtang ini ang nagatener sa Poblacion, Tapaz alas 12:30 sang udto. Ang amo nga persona ang may yara sang ginapangatubang nga kaso nga murder kag ginakabig nga top-1 most wanted person sa Bingawan, Iloilo napetsahan Mayo 18, 1995.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
