Davao City – Gikonsiderang ‘isolated case’ lamang ang nahitabong pagkasikop sa usa ka sakop sa Naval Force – Eastern Mindanao Command nahitabo niadtong Lunes sa gabii sa Panacan, ning syudad.
Gibutyag ni Lt. Col. Ezra Balagtey, spokesperson sa Eastern Mindanao Command (EastMinCom) nga nagpadayon gihapon ang ilang counter-intelligence operations aron masegurong protektado ang ilang mga ginsakpan sa pagkalambigit diha sa iligal nga mga binuhatan.
Saysay ni Balagtey nga maglusad og kaugalingong imbestigasyon ang Naval Force aron masuta ang pagkalambigit ug posibleng pagkatangtang sa katungdanan sa suspect giilang usaka PO2 Rusty Gonzales, 44 anyos, residente sa Km. 12, Sasa ning dakbayan kinsa nakuhaan og kantidad P100,000 nga shabu.
Nagbahad usab si Balagtey ngadto sa mga AFP personnel nga padayong nagdula sa iligal nga droga nga moabot gayud ang hustong panahon nga maabtan ra sila sa balaud.
“Kung sino man ang ma-involve sa mga ganito na activity, they will face the consequences of their actions and they will be discharged from the service maximum at haharapin pa nila ang kaso sa civilian court,” segun sa tigpamaba sa kasundaluhan dinhi sa rehiyon.
RadyoMaN Jason Amisola
