Bomber for hire asegun el suspechao con quien ya fuede aresta anoche el mga operativas del Zamboanga City Police Office na un pension house locao na MCLL Highway.
Asegun con el City Police Director Senior Supt.Neri Vincent Ignacio, si Akmad ya admiti durante el inisyal interogasyon del policia que hinde acto de terorismo el su plano aqui na ciudad porque ele ya man assemble con el bomba,sin embargo, chene lang quien ya manda conele coloca este explosiva encambyo con el cantidad de treinta mil de pesos.
Si Akmad ya abla cay siendo grande cantidad el imbuelto,ya accepta ele el tal ofrecimiento.
Asegun con Ignacio,na mga bomb component que ya fuede recuvri con Akmad, grande explosiva este ta composita y hay causa grande destroso con el su target el epecto de este si porhemplo ya fuede realiza el su mal plano.
Presentamente si Akmad detenido na karsel del policia local pendiente el caso que hay planta contra conele este dia. -Bhong Simbajon/RMN News
