Arevalo: 30 ka mga pulitiko suportado ang NPA sa Negros Occ.

1218

NEGROS OCCIDENTAL – Ginbuyagyag sang Philippine Army nga may kapin sa 30 ka mga incumbent government officials diri sa probinsya sang Negros Occidental nga nagasuporta sa rebelding hubon sang New People’s Army ( NPA).

Ginpahayag ni 303rd Infantry Battalion Commander, Col. Benedict Arevalo nga ini nga mga government officials ang nagakip sang mga mayor, vice mayor kag kalabanan mga councilors.

Suno kay Arevalo nga natukiban nga ang amo nga mga opisyal sang gobierno ang nagahatag sang financial kag logistical support sa NPA kabaylo sang serbisyo sang mga ini.

Kalakip sa services nga ginahatag sang mga rebelde kabaylo sang bayad amo ang pag-serbe bilang private armed goons partikular para sa palaabuton nga eleksyon.

Angut sini, ginklaro ni Arevalo nga gin-expose ang amo nga impormasyon sa tuyo nga i-remind ang amo nga mga government officials nga indi pagsuportahan ang rebelde kag wala ini nagatuyo nga ini sila ang husgahan./dyHB BACOLOD

Facebook Comments