Davao City – Nailhan na ang lalaking napatay human nakigpinusilay og mga pulis niadtong alas 9:36 sa gabii Septembre 22, 2023 ilawom sa tulay sa Bankerohan, Purok 1, Bryco, Brgy.5-A, Davao City.
Sa interview sa DXDC RMN Davao kang Police Major Marvin Hugos, hepe sa San Pedro Police Station gisulti niya, ang suspect naila nga si Ryan Avila Juanillo, construction worker ug residente sa Purok 2, Bryco, Brgy.5-A, Bankerohan, Davao City.
Segun ni Hugos, gikuha na sa tagtungod ang patay’ng lawas sa suspect sa Southern Philippines Medical Center (SPMC)
Kahinumduman, ang suspect nakit-an kini nga nagdala-dala og armas sa maong lugar ug daling gi-report sa San Pedro Police Station. Sa dihang niresponde ang mga awtoridad, wala kini mi- cooperate ug dayun mibunot sa iyang armas og gipamusil ang mga pulis. Sa dihang gibalusan og pusil naigo kini nga resulta sa kamatayon sa suspetsado.
RadyoMaN Don Pulayao
Facebook Comments
