Armas, explosives narecover sa militar sa Agusan Sur

Unom ka tag-as nga kalibre sa armas ug usa ka improvised explosive device (IED) ang narekober sa tropa sa 26 Infantry Battalion, Phil. Army.
Kini human sa halos tunga sa oras nga engkwentro tali sa mga gitoohang rebeldeng NPA nga sakop sa Guerilla Front Committee 88 sa Km 46, Brgy Binicalan, San Luis, Agusan del Sur bandang alas dose sa udto byernes September 29, 2017.
Nagpahigayun ug Community Support Program (CSP) sa Brgy. Binicalan ang Community Support Team sa 26th IB dihang gisumbong matud pa sa mga residente ang presensiya sa mga armadong rebelde nga daling giaksyunan usab sa kasundaluhan nga miresulta sa engkwentro.
Walay gikatahong casualty apan padayon matud pang gisuyod sa kasundaluhan ang lugar nahitabuan ug naga padayon usab ang ilang pag gukod sa mga rebelde.

​

Facebook Comments