Armas sa NPA nakubkuban sa militar

47

MGA ARMAS NGA GILUBONG SA NPA NAKUBKUBAN SA 23RD IB PHIL. ARMY
Nakubkuban sa tropa sa 23rd IB Phil. Army ang mga armas nga iyaa sa rebelding New Peoples’ Army (NPA) didto sa Sitio Fatima, Brgy. Ibuan, Las Nieves, Agsuan del Norte bandang alas 4:30 ang takna sa hapon.
Nakuha sa military ang impormasyon may kalabot sa gilubong mga armas pinaagi sa pagtudlo ni alyas JR/Badoy/Bebs, 24 anyos kinsa team leader sa Squad Dos, SDG CAOCAO sa Guerilla Front Committee 4A sa North Central Mindanao Regional Committee sa NPA kinsa unang nagsurender sa tropa sa goberno niadtong Septembre 29 ning tuiga.
Nasayran nga ang maong mga armas nga gilubong gipanag-iyahan sa mga NPA nga misibog human natigayon ang engkwentro didto sa Sitio Landing, Brgy. Tungao ning syudad sa nakalabyang Hulyo 7 ning tuiga.
Gilangkuban ang maong mga armas sa usa ka modified US Carbine M1 rifle, usa ka .38 revolver ug pito ka mga bala sa .30 carbine ammunition. Gidayeg ni Lt. Col. Julius Cesar Paulo, battalion commander sa 23rd IB Phil. Army ang kaisug ni alyas JR sa pagbiya sa armadong kalihukan aron manginabuhing malinawon.
(RMN DXBC Butuan full interview w/ Lt. Col. Julius Cesar Paulo, 23rd IB, PA Commander sa programang Kuskos Batikos ni Radyoman Archer Capadeso)

Facebook Comments