Armas sa sundalo aksidente nga nakablitan, biktima patay

Tukuran, Zamboanga del Sur – Nisangko sa kasubo ang paghugoy-hugoy unta sa mga sakop sa Zita Phi Omega Fraternity dihang niresulta sa aksidente ang ilang pagtagay mga alas 4:30 kagahapon sa hapon didto sa Purok Alibang-bang, Barangay Sto. NiƱo lungsod sa Tukuran niining probinsya sa Zamboanga del Sur.
Patay ang usa ka miyembro sa Philippine Army nga nadisteno sa 1st infantry Tabak Division human aksidente nga nakablit ang gidala nga armas niini. Giila ang biktima nga si SSgt Neil Solante Gonzalez, residente sa Upper Pulacan, Labangan, Zamboanga del Sur.
Sa inisyal nga imbestigasyon sa Tukuran PNP, ang biktima nakig-inom sa iyang mga kauban nga sakop usab Zita Phi Omega Fraternity diin didto nahitabo paglingaw-lingaw sa balay ni Richard Ramos, nahimutang sa Purok Alibang-bang, Barangay Sto. NiƱo, Tukuran.
Nabati sa biktima nga si Ssgt Gonzalez nga dili siya komportable sa iyang armas nga gipaslak sa kilid sa iyang hawak rason nga nakahukom kini nga ibalhin sa iyang bag apan aksidente niyang nakablit ang ang maong pusil hinungdan sa pagka-igo sa iyang ulo hinungdan sa iyang hinanali nga kamatayon.
Ang biktima gipahiluna na karon sa iyang pamilya sa Gamalinda Funeral Home.

Facebook Comments