Armas sang sekyu naglupok, duha naasikan

355

BACOLOD CITY – Aksidente nga naglupok ang service firearm sang isa ka security guard sa sulod mismo sang sang Corazon Locsin Montelibano Memorial Regional Hospital kahapon sang hapon kag nagresulta sang minor injuries sang duha ka mga tawo.

Ang security guard nakilala kay Pio Tanate Jr., 42 anyos, tumandok sang La Carlota City kag nagatrabaho sa idalum sang Green Gold Security Agency kag assigned sa CLMMRH.


Nakilala naman ang mga biktima nga aksidente nga naigo nga amo sanday Danilo Soliven, 19 anyos, pumuluyo sang Cadiz City kag Benvinido Hacermeda, 70 anyos, taga ciudad sang Victorias.

Suno sa pagpangusisa sang police ang insidente natabo pasado las 4 kahapon sang hapon kon diin aksidente nga naglupok ang armas nga 9mm sang amo nga gwardiya.

Ginpahayag nga sang naglupok, nagwas-ag ang slug sini kag nag-igo sa salog sang Male ICU nga area sang ospital kag nagresulta sa pagka-igo sang mga biktima.

Si Soliven naigo sa iya wala nga paa samtang si Hacermeda naman naigo sa iya duha ka paa kag gilayon man nga ginbulong sa amo nga ospital, samtang ang gwardiya gindala man sa istasyon sang pulis./dyHB BACOLOD

Facebook Comments

From Advertisers