Davao City – Target karon sa kapulisan ang mga ‘Private Armed Groups’ (PAGs) ingon man ang guns-for-hire ilabi na nga hapit na ang election campaign period.
Sa interbyu ni RadyoMaN June Duterte kang Philippine National police (PNP) spokesperson Benigno Durana Jr. sa programang ‘Straight to the Point’, gipamahayag niini nga gilauman na nila nga adunay taas nga kaso sa election-related incidents gani nanganti kini nga gukdon ang mga grupo nga namaligya sa ilang serbisyo sa pagpatay sa mga politiko.
Gipaniguro usab ni Durana nga luwas ang mga kandidato pinaagi sa pakig koordinar sa territorial unit commanders ngadto sa mga adunay pagbahad sa ilang mga kinabuhi.
“Sinusunod natin ang direktiba ng ating pangulo to quickly observe the Alunan doctrine where those who will qualify will be provided by security details ay hindi pa lalagpas sa dalawang uniformed government personnel,” tataw sa tigpamaba sa PNP.
Panahon nga manginahanglan pa ang usa ka kandidato og dugang seguridad, kinahanglan na nila mubayad og private security guards, segun ni Durana.
RadyoMaN Jason Amisola
