Natabo ang insidente ala 1:00 kaina sang kaagahon sa barangay Bolho, Miag ao, Iloilo matapos nga mag bunggo ang gina dala nga motor ni Arvin Plonasca, 28 anyos sa gina sakyan nga honda XRM sang 3 ka katapo sang Philippine Army nga gin kilala sa kanday CPL Clyde Rilleta sang Bohol, back riders sini nga sanday CPL. Jake Villanueva 30 anyos, kag CPL. Ryan Bauzon 30 anyos kag lunsay assigned sa 94th IB Bravo Company.
Suno sa pag pangusisa sang kapulisan nga nag sugataay ang 2 ka motorsiklo kag nag bungguanay sa bahin sang Bolho, Miag ao. . Tungod sa impact, lunsay wasak ang ulo sang ila gina sakyan nga motor kag naka angkon sang patal nga pilas kag gin bawian gid sang kabuhi si Arvin Plonasca kag CPL. Cylde Rilleta samtang naka angkon naman sang kapilasan sa ila lawas sanday Corporal Jake Villanueva kag Corporal Ryan Bauzon.
