Army detachment sa Surigao del Sur gi-harass sa NPA, babaeng buntis nadamay sa bakbakan – patay!

199

Nadamay sa bakbakan tali na sa NPA ug Militar ang usa ka ginang nga tulo ka buwang buntis human naigo sa bala sa armas ug napatay.

Kini dihang giharass kagahapon sa mokabat 20 ka mga miyembro sa New People’s Army ang Military Detachment sa Brgy. Bitaugan, San Miguel, Surigao del Sur nga miresulta sa binayloay sa bala.


Giila ni Capt. Francisco Garello Jr., Civil Military Operation (CMO) officer sa 36th IB, Phil. Army ang napatay nga si Jennifer Maca, 25 anyos, minyo kinsa nakangkon matud pa ug igo sa bala sa AK47 dapit sa talinga ug nilusot ang bala sa taas nga bahin sa ulo sa biktima nga miresulta sa kamatayon.

Una na niini kagahapon sa buntag mismong si Ka Sandra, tigpamaba sa NPA sa lugar miangkon sa interview sa RMN DXBC Butuan nga mihimo sa pagpangharass ang iyang mga kaubanan sa lugar apan wala sila mahibalo kung adunay casualty o wala.

Facebook Comments

From Advertisers