ILOILO City – Nakahospital arrest pa tubtob subong si Private First Class (PFC) Sargie Labao matapos nagtuyo nga maghikog pinaagi sa pag-utas sang iya kabuhi gamit ang liston sang iya nga combat shoes nga ginhigot sini sa grills sa bintana sang karsel sang nagligad nga inadlaw.
Suno kay Police Senior Inspector Edwin Luces sang sang Tapaz Municipal Police Station, ang rason sa tuyo nga paghikog ni Labao ang indi sini pagkaon kag pag-inom sang mga bulong sa sulod sang pila n aka adlaw.
Aminado si Luces lakip man ang pamilya ni Labao nga lain ang behaviour sang suldado kon ara ang iya pamilya. Mas nagakalma ini ilabi pa kon ara ang iya asawa.
Nahibaluan nga nadetain ang suldado matapos ginpaarakan niya sang luthang ang mista nga si Private First Class Delio Sebarillo sang nagligad nga Hulyo 19 sa sulod mismo sang kampo sa Brgy. Lagdungan Tapaz, Capiz sa idalum sang Alpha Company sa 61st Infantry Battalion sang #rd ID sang Philippine Army.
INi ang naga-suprer sang psychotic disorder nga yara sa karun sa Western Visayas Medical Center sa diin ginahulat sang kapulisan ang rekomendasyon sang attending physician para dal-on sa military hospital sa Metro Manila sa pagpadayon sang rehabilitasyon sa ginabatyag nga balatian.
RMN Iloilo File Photo
