Davao City – Misurrender na ang usa ka sundalo kinsa suspek sa pagpamusil sa usa ka 40-anyos nga lalaki human kini wala hatagi og balato sa kadula sa hantak alas 2:00 pasado niadtong Oktubre 13.
Ang suspek naila nga si Corporal Patrick Tromata, residente sa Barangay Magtuod, Maa ning siyudad, sakop sa 10th ID Philippine Army ug nakadestino sa Tamugan area.
Kahinumdoman nga midangop sa Talomo PNP ang biktima nga si alyas Roan human matud pa gipusil kini sa iyang kadula sa hantak atol sa haya sa may Purok 10 Libby Road gani swerte nga dali kining nakaikyas human makahiagom og samad pinusilan sa tuo nga bahin sa iyang paa.
Sa pagkakaron ginaasikaso na sa kapulisan ang mga dokumento aron mapasakaan og kaso ang maong sundalo kinsa usab balhog na karon sa Talomo PNP.
RadyoMaN Paul Canono
