Davao City- Presohan napadulngan sa usa ka army reservist human nasikop sa buy-bust operation kagabii.
Nagtingkagol na karon sa Sasa PNP ang suspek nga si Mike Hayden Zuzulan, minyo, army reservist ug nanimuyo sa Muslim Village, Kilometer 11, Sasa ning dakbayan.
Naposasan ang suspek dihang gitunol niini ang sachet nga shabu kang PO1 Banion nga nagsilbing poseur buyer.
Nakuha gikan sa possession sa suspek ang dugang droga, .45 nga pistol ug 1000 mark money.
Ang suspek gikonsidara nga bag-ong high value target sa Sasa PNP.
Sa pikas bahin, naaresto sa kapulisan sa Sta. Ana PNP kauban ang pwersa sa CIDG ang duha ka drug pusher human nakuhaan og shabu agi’g pagpatuman sa search warrant alas 11:15 kagabii sa South Bay Seaside Purok 10 Brgy. Lapu-lapu ning dakbayan.
Mga dinakpan naila sa pangalan mao sila si Dan Bacitez Suazo, 32 anyos nga usa ka construction worker ug si Dadenia Sotto, 51 anyos nga usa ka beautician, pareho nagpuyo sa nasampit nga lugar.
Nakompiska sa awtoridad ang usa ka square-shape heat sealed transparent plastic sachet nga gituohang shabu.
Samtang paglapas sa Republic Act 9165 kun Comprehensive Dangerous Drugs Act of 2002 ang ipasakang kaso batok sa army reservist ug sa duha ka drug pusher.
RadyoMan Joel Viray / RadyoMan Don Pulayao
