Davao City – Patay ang usa ka Philippine Army reservist ug usa ka kauban niini nga drug pusher human matud pa misukol sa kapulisan atol sa gilusad nga buy bust operation alas 9:10 kagabii didto sa Belisario Village, Brgy. San Antonio, Agdao syudad sa Davao.
Sa report gikan Sta. Ana PNP, giila ang duha ka suspek nga sila Jaime Onain Moin, usa ka Philippine Army Reservist nga nagpuyo sa Landmark, Buhangin, Davao City ug ang kauban niini nailang si Alvin Musa Daris, hingkod and edad, nagpuyo sa Sapheri Landmark, Buhangin ning syudad.
Sumala pa nga sa dihang gilusad ang operasyon, nakigtransak matud pa ang poseur buyer ug malampusong napalitan ang mga suspek apan nakabantay matud pa ang duha ug nihulbot og .45 caliber pistol ang suspek nga si Moin samtang mialma usab si Daris hinungdan midepensa ang otoridad hinungdan sa pagka neutralisa sa mga suspek.
Daling gidala ang duha sa balay-tambalanan apan gideklara na kining dead on arrival.
Samtang narekober sa kapulisan gikan sa duha ka suspek ang unom sachet sa gituohang shabu nga nagkatindad og 13,000 pesos lakip nakuha sa crime scene ang armas ug mga personal nga gamit sa mga biktima.
RadyoMaN Don Pulayao
