Imbes nga armas ug mga bala, bola ang dala sa mga sakop sa Moro Islamic Liberation Front ug sa mga sundalo sa Armed Forces of the Philippines, sa ilang panag- engkuwentro niadtong Sabado, Septembre 29, didto sa Linamon, Lanao del Norte.
50 ka mga sakop sa MILF nga gikan sa North Eastern Mindanao Front, ilawom sa grupo ni kanhi Janjalani Mimbantas, ug sa North Western Mindanao Front nga grupo ni Abdullah Macapaar alyas Kumander Bravo, ang minaug aron mosalmot sa labing unang Sports For Peace sa Lanao del Norte.
Pinaagi sa Civil Society Organizations Forum forPeace o CSOFP, natapok aron mag-uban sa labing talagsaon nga higayon ang kanhi managkontra sa giyera.
Matud pa ni Musa Sanguila, chairman sa CSO Lanao del Norte Partnership for Peace and Development, nga tumong sa pagpahigayon sa maong sportsfest for peace , aron ipakita sa katawhan nga nagkasinabot na ang duha ka pondok human gipirmahan ang Bangsamoro Organic Law.
Si Salman Adbullah Macapaar, anak ni Commander Bravo, miingon nga nalipay siya sa maong kahigayonan nga ilang makauban ang mga sundalo aron ilang ipakita ang ilang panaghiusa nga ang tumong mao lamang ang pagkab-ot sa kalinaw.
Si LtC. Ronel Manalo, commander sa 5th MechanizedInfantry Battalion, Philippine Army, kinsa maoy nag-organisa sa maong sportsfest, miingon nga sugod palang kadto nga kalihukan tungod kay aduna paysunod nga sportsfest mahitabo sa ubang lungsod sa Lanao del Norte.
*Photo from 5th MechanizedInfantry Battalion, Philippine Army
| | Virus-free. www.avast.com |
