Sa interview sa DXDC RMN Davao kang Police Captain Hazel Tuazon, Spokesperson sa DCPO gibutyag niini, kasong kalapasan sa Disobedience of a Person In Authority ang gipasaka batok sa driver.
Segun ni Tuazon, nakadawat og report ang kapulisan sa Tugbok gikan sa concern citizen nga ang maong driver, kusog matud pa nga mipadagan sa gimanihong dump truck ug wala kini mohunong sa dihang giharang sa mga nagrespondeng pulis.
“Mao to ang atong mga pulis ni take action sa report sa gipaabot sa concern citizen na witness nila kay niagi man sa ilang duol unya ilang gipahunong og wala mohunong ang drayber”,sulti ni Tuazon.
Ang driver anaa karon sa custodial facility sa Tugbok Police Station, human gi-inquest aron mag-atubang og kaso.
Nahitabo ang ginukdanay niadtong Sabado September 30, 2023 alas 7:55 sa gabii tali sa mga personahe sa Tugbok Police Station tungod sa paspas nga pagpadagan sa gimanihong dump truck apan sa dihang na-corner sa mga pulis miresulta sa pagkasikop niini.
RadyoMaN Don Pulayao
