No conforme el consejal Teodiver Arquiza manda serra el mga peryahan que ta opera na ciudad de Zamboanga.
Amediante del controversiya na acusasyon del mga juego illegal na mga peryahan, si Arquiza ya abla cay cumbiene lang impone el otoridad con el stricto monitoring cada dia conestos para aseguramiento cay hinde estos ta opera illegal juego adentro.
Si Arquiza ya llama el dialogo na consejo ayer para determina desdel mga ahensya del govierno local el estado del operasyon del mga peryahan na ciudad que donde monton del mga juego illegal el ta socede. Ele ya presenta pa cuantos mga video footages para justifica con el su revelasyon que ya confirma el losdemas del su mga uban na consejo.
Sin embargo, siendo nuay pa algun ordinansa el ciudad que ta regula el operasyon del mga peryahan, ele ta suweri con el ofisina del administrador del ciudad para manda con el Task Force ordinance y policia chekya conestos mga perya y privini maga juego illegal opera na mensyonao mga establisemiento. – *Bhong Simbajon/RMN News*
